حال البلد مايل

حال البلد

حال البلد مايل
والحلم بقى سايل
عمر اللي كان مايل
ما يعرف يشيل سايل
قالو لنا ما تخافو ها نحاول ونتحايل
يا نميل حلمكم
يا نعدل المايل
قالولى قول رايك
قلتلهم ما نش قايل
ما انا يا ما قلت زمان
وقالو كلام هايل
دي الوقتي بقى رأيي كبير ومش عايل
ما كنا ساعة الغضب
بنقول وعظ وخطب
ونقول كلام م الحطب
لكن ناركم اكلت حلمنا والحلم اتشطب
دي الوقتي ها نعيده
ها نقوله من تانى وهانز يده
ما كنا وقت الجد رجاله
لكن قالو علينا زباله
ما لهمش فى السياسة
ده أخرهم عيال شياله
وجينا ساعة الجد
بقى سبت زى الحد
أيام بقى وتتعد
والكل من خوفه
ساكن كده كهوفه
فين صوتهم العالي ؟
بقى صعب لي نشوفه
يا خسارة ع الرجالة
اهى دي بقى النداله
نقدر نقولو الوقتى
اهو انتم الزبالة
موقفنا ما اتغيرش
وكلامنا زاد وما خفش
وحقنا معروف وقلتو ما نعرفش
يا خسارة يا بلادي
وكأني تايه محتار أنا فى وادي
عمال بصوت عالي أصرخ وأنادى
واصرخ انا ويتحرق جوايا فؤادي
يا إخوانا بلدنا منهوبة
وبعد سرقتهم قالو ده دي توبة
وسبوها مخروبه
قالو ما سرقناش دي السرقة معيوبه
واحنا ما نرضاش
لأننا اتربينا مش ما اتربيناش
قلت هاسكت واضرب طناش
عمال أنيم ضميري واقوله ما تصحاش
لكن ضميري فايق للظلم ما يرضاش
ولقيت حوليه ناس
ضميرهم صاحي لسه ما إتقفلشي عليه بترباس
والله هما دول الرجاله هما دول الناس
وطلعنا وقلنا ثوره
نكشف بلاويهم أصلها ما بقتشي عوره
كنا زمان نكتب ويمسحو كلامنا بباشوره
لكن انهرده شعارهم يا اخوانا دي ثوره
ما بقاش حد يهمه روحه
ولا قابل معاهم محاوره
حرام عليكم كفايه ظلم ونكد
ده الفرح ويانا من عمر اتحسد
الهم زاللنا وكل يوم وياكم هم بيتولد
بنام والدمعه ع الخد
بنشوف بلاد تانيه ما نلاقي زينا حد
الفرح ماليهم والظلم هنا اشتد
يا بلادي هاتفوقى وهاتفرحي ما هايبقى زيك حد
رجاله طلعو
خرجو ما رجعو
وبصوتهم العالى
قالو نظام ساقط
ما ترموناش لبعض بقى صعب نتشاقط
انسو زمان والصمت ده الغل بقى ناطط
وقتلو فينا وقالو غلطة كذا ضابط
يا اخونا ما تحولوش قلنا النظام ساقط
قالو عليه عيل وفى كلمته شابط
بقى ليهم عين يبررو ظلمهم
ما بقاش فيه دم خلاص عندهم
هما دول زينا بشر؟؟!!! فين حسهم
ما بقيتش عارف
احترت فيهم واقول ايه عنهم
أقول كلاب!!! حتى الكلاب مش زيهم
دول بهايم والوقتى بينطحو فى بعضهم
ما هى دى اخرتهم كلهم
لكن بعد الثوره
الحق ما بقاش عوره
بقى صعب ننساه او نمسحه بباشوره
اصل حقنا جامد وقواه كماااااااااااان
الثـــــــــــــــــــــــــــــوره

قصيدة رائعة جدا ممكن اعرف مين كتبهاوشكرا

مشكور

الف شكر يا محمد على المواضيع الجمادة دى

مشكور يا ..........

الى كتبها اخى وبشكوركم على الردود الجميله

» تشكيلة عبايات لطيفه
» المعلم واسليب التدريس
» الوزيرة بنت البلد علي مقهي المصريين بجنيف
» صعيدى اتجوز نانسى عجرم ورجع بيها البلد!!! .