كنت باكتب والكتابة ........ دايما كانت ع الورق

كنت باعزف ع الربابة .... موال لقلب فى يوم عَشَق

كنت بافهم فى المشاعر .... قالوا عنى

إللى زيىّّ ..... لسة ما جاش ولا إتخلق

وفِضِلتْ أكتب ع الورق ....لحد ما صابنى الزهق

مَلّيت كلامى ....نسيت موالى .....وَلّعت فى الورق ... إتحرق

لحد ما عرفتك يا قمرى

دخلتى قلبى ....وخدتى عمرى .... ملكتى روحى للأبد

وعشان عيونك يا حبيبتى ....لقيتنى باكتب من جديد

كتابة غير كل كتاباتى .....من غير لا حبر ولا ورق

كتابة لسة بابتديها ....ماليش دراية وخبرة بيها

كتابة على أجمل جسد

وبدأت أتهجى كلامى حرف حرف

وحاولت أوصفلك غرامى بأى وصف

حروفى خلصت كلها ومالقيتش وصف

لكن كتبت ......على شعورك إللى إتفرد

أنا هنا ... بين شعورك كالنسيم ....عاشق سواده

زى ما باعشق ....ضلمة الليل العتيم

تجدليه ...تلاقى فيه ...قلبى إتجدل

تفرديه ...يهفهف ...وقلبى يقول غزل

وفوق جبينك القمر ...أكتب حبيبك بالقُبَل

وأكتب كمان ....فيكى مُتَيّم ....حد الجنون ... حد الهبل

وع الجفون أكتب غرامك

علم العشاق كلام ....علم القلوب هواكى

من غير مناهج للغرام

وفوق رموشك أكتب بحبك .........ألف مرة على كل رمش

ساعتها بس تصدقينى .....وتسمعينى أحلى همس

أنسى بيه كل إللى عشته ....أنسى إيه أنا كنت أمس

وف نن عينك أكتبك ....إنتى الحبيبة

ليكى سحر لو أنكره ....دى تبقى عيبة

بتسحرينى ....بتبهرينى ....بطريقة أكتر من غريبة

وتغرقينى فى بحور عنيكى .... وتتوهينى وأعود إليكى

ما إنتى أكتر من حبيبة

وعلى خدودك....... أكتب تعالى

أقطف ورودك ....ألمها .....وردة ، وردة

تبقى ليّا ....أخاف عليها .... أحبها

أحلى ما فيكى ضحكتك .....لو تنكتب لاكتبتها

وأحلى منها رقتك .... رقة ما شوفتش زيها

وإسمى تقوليه مرة بشفايفك ..... عندى بحياتى كلها

وأكتب بقى على شفايفك .....أمنياتى بالشفايف

سر ما بينى وبينك .... بنداريه والكل عارف

حالة من العشق اللذيذ ..... فيها جرأة منها خايف

بس عارف .... إن أحلى كلام غرام .....يبتدى عند الشفايف

وأكتب على قلبك ..نادينى ......هتلاقينى جنب منك

وأوعدك وتوعدينى .....تكونى جنبى وما بعدش عنك

وأوهبك حبى وحنينى .....وأدوب فى دقة من نبض قلبك

وأكتب كمان .... قلبك مكانى

دارى وبيتى ....حصنى وأمانى .....مايدخلوش غيرى أحد

وأكتب على باقى الجسد .... إنى حبيبك للأبد

وإن حبك يا حياتى .....قوة عليها باستند

ومهما يتعبنى هواكى ...من عنيكى آخد مدد

وأكتب كلام له ألف معنى ....مايفهموش غيرك أحد

كلام يخّلد غرام جمعنا ......لسة يا دوبك بتولد

غرام فريد فى قصته .....بيه نسيت الذكريات الموجعة

ومعاه باعيش كل الهنا ....ولحظات جميلة ممتعة

والمتعة فيه إحساسى بيكى ....وكتابتى على أجمل جسد

كنت باكتب والكتابة ........ دايما كانت ع الورق Lol

كنت باكتب والكتابة ........ دايما كانت ع الورق Lol

» العلاقة لم تعد كما كانت سر ثورة حسام علي سليمان
» اتركوا المنتدى فورا اذا كانت هذه هى الاسباب
» لاجيرباك: قلة التركيز أدت لهدف الارجنتين والمباراة كانت متكافئة
» باريرا وأجيري يتفقان على أن كل النتائج كانت ممكنة في الافتتاح
» سيارة الإطفاء كانت متوجهة لاصطحاب مأمورية مفرقعات - صورة أرشيفية