الولد بيحب ايه فى البنت .......
1_الشاب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .
2- الشاب ميحبش البنت تعاكسه و تترمي عليه و تتغزل فيه و في جماله عشان ده دوره هو المفروض .
3- ممكن الشاب يعجب بيكي للحظة و ينساكي بعديها ولا كأنه شافك قبل كده .
4- لما الشاب يقولك انا مش قادر افهمك هو يقصد ببساطة انه أنتي مبتفكريش بطريقته أو زيه .
5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .
6- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .
7- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله) .
8- ابتسامة فرح جميلة منك بالدنيا واللي فيها عند الشاب .
9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .
10_ لما الشاب يقولك انه عايز يقابل اهلك اوعي ترفضي بل بالعكس شجعيه و اقفي جمبه في المعركة عشان تحسسيه بحلاوة النصر .
11- على فكرة الشاب بيعيط (مهما بان جامد و قوي مهو بني آدم برضو) .
12- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .
13- الشاب ميعرفش يحلم و يتأمل كتير زيك و معندوش صبر عايز كل اللي يتمناه يتحقق في ثانية .
14- لما توصلي لقلب شاب أنتي كده دخلتي سكة مفيهاش راجعة (دخول الحمام مش زي خروجه) .
15- الشاب لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه
16- الشاب بيكره الشاب الفافي .
17- الشاب بيموت في أمه (يعني كلوا الا هيا) .
18- الشاب ممكن يضحي بالفلوس اللي هيتغدي بيها عشان يشتريلك بوكيه ورد احمر (يعني يجوع عشان سواد عيون حضرتك .
19- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .
20- مستحيل تفهمي الشاب إلا لو سمعتيه كويس (فبلاش بقي تنزلي لوك لوك لوك لوك و اديه فرصة ينطق) .
21- الشاب لو قالك بحبك مرة واحدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .
.
.
.
22- الشاب غالبا بيبقى صريح قوي لما يجي يتكلم عن نفسه .
23-:d مفيش شاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله. (بس طبعا مش كلهم بيعاكسو
24- :dالشاب الشيك النضيف يموت لو هدومه اتوسخت حتى لو كانت الحتة اللي اتوسخت اد السمسماية ولو حلفتيلو 100 يمين انها مش باينة مش هيصدق (خوديها من قاصرها وقوليله يروح يغير) .
25- الشاب بيحب البنت المحترمة حتى لو مكانتش أمورة للدرجة(و دي اول حاجة بيفكر فيها .
26- انتيمتك (صديقتك العزيزة يعني) اللي الشاب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما الأتنين و تخسري الأتنين حبيبك و انتيمتك (وكدة 1000 مبروك خرجتي أنتي من المولد بلا حمص ايد ورا و ايد قدام ) .
27- الشاب لو شكالك همه و حكالك عن مشاكله هو مش عايز منك غير انك تسمعيه واوعي تعملي فيها ام العريف و تنصحيه في نفس ذات اللحظة (في حموتها ) انما بعديها ممكن .
28- حركة لا إرادية الشاب بيعملها فيكي لما تكوني أنتي حبيبته يفضل يضايقك و ينرفزك و يغيظك و يعلق على كل كلمة تطلع من بقكك .
29- الشاب بيحب البنت العاقلة والعاطفية كمان بس اكتر تبقى عاطفية.
30- الشاب دماغه مبتهداش على طول بتودي و تجيب مبيبطلش تفكير ابدا .
31- الشاب خياله واسع قوي (يرمح فيه الخيل يعني . . . ههههههه) .
32- الشاب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .
33- غالباً بيكون صعب على الشاب يسيبك و خصوصاً اذا كان بقالكو مع بعض أكتر من 3 سنين ( يعني لو عمل كدة هيكون بيدوس على قلبه ) .
34- لو حصلت ظروف مش قد كدة غالباً الشاب بيلوم نفسوا أكتر بكتير منك يا بنوته ده كمان ممكن توصل انو يعمل حاجة في نفسو اوعي تسيبيه في ظروف زي دي اتفقنا ؟ عشان ده أكبر وقت بيحتاجك فيه .
35- الشاب عموماً عندوا انفعال و شغف انو يتغير للأحسن * بس إرادته للأسف ضعيفة يعني محتاج منك زأة لو مفيش مانع .
36- الشاب يكون مع الناس كلها واد إيه أسد مرعب محدش يقدر يفتح بقوه معاه بس يجي معاكي أنتي و يبقى زي القطة المتروضة مش خوف منك لا سمح الله لأ ده من حبه ليكي ( إوعي تفهميه غلط ).
37- لما الشاب يقولك انو مجنون بيكي يبقى فعلا حبك عملو جنان ممم غالباً مش بيكدب .
38- لما الشاب يقولك سبييني في حالي إعرفي إنو بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقو يدايقك (بس مش الزن اللي يخنق) .
39- لما الشاب يحبك بيطلع كل الحلو اللي فيه (إكسكلوسف ليكي أنتي و بس) شفتي بقي حبك بيعمل فيه حاجات حلوة إزاي .
40- لما الشاب يسيب التهريج و يبقى عايز يتكلم بجد إسمعيه و وريه اد إيه أنتي مهتمة .
41-:d لو الشاب فضل ساكت و قافل بقوه متقلديهوش و تأعديلي ساكتة أنتي كمان انطقي و حاولي بكلمتين كدة تظبطي القاعدة و تدوبي التلج اللي انتو فيه ( بس ما ترغيش اوي عشان ف ناس بتزهق بسرعة .
42- الشاب ما بيأمنش بالحب من أول نظرة على عكس معظم البنات وبرغم كده بيعاكس برضه لحد ميقع من غير ما حد يسمي عليه و ساعتها بس هيأمن و يبصم بالعشرة ان في حب كدة .
43- الشاب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي .
44_واهم حاجه يا جماعه انها متحوليش تخليه يغير عليها اوى يحسن ينفجر ويبو ظ كل حاجه وتسمع كلمه بس فى الحجات اللى يبان انه خايف عليه اوى ومتحسسوش انه مش فارق
معها لان كدة هيبدا يكرها واحدة واحدة
و اكتر حاجة الولد بيحبها ف البنت انها ما تكونش بتكلم ولاد حتي لو بتكلمهم يبقي ازيك ز كده بس ما تقفش معاه بقا و تتمشي و كده يعني ( انتو فاهمني طبعا
موضوع: الولد بيحب ايه ف البنت....... 
