ليه بقينا كده ادخل وشوف هل كل ده صح

<TABLE cellSpacing=0 cellPadding=0 width="100%" border=0>

<TR>
<td colSpan=2>ليه بقينا كده

الشهامه راحت فين والجدعنه مين قتلها والحب مين اللي سرقه من قلوبنا

البسمه تاهت من وشوش الناس وماعدش حد طايق أخوه

البنت بتتخطف في عز النهار والراجل واقف يتفرج

والولد بيشوف أخته بتضيع ومنفض

الأب شايف سكة ولاده سوده ... ويقولك عزالطلب والدنيا عايزه ده

الزوج والزوجه قريبين في بيت واحد

بس قلوبهم بينها أميال محتاجه لسفر

الحزن بقي بسيط وبيدوب في لحظات

الفراق ماعدش ليه طعم المرار ولا بيوجع زي زمان

والألم بقي في الضرب وبس انما المشاعر تبلدت لدرجة انعدام الاحساس

الايمان بقي مظاهر والصدق بقي نفاق والفساد لغه سائده

الله وقت الشده وابليس لسنوات الرخاء

الاحترام أصبح انحراف والانحراف يدعي تحرر

العري بقي سيد الفنون والطرب بقي عبط القرن الواحد والعشرين

الابتذال بقي سبيل الشهره الوحيد والاتقان مضيعه للوقت والجهد

النفس قبل أي شيء

والمصلحه بقت ربة العلاقات الاجتماعيه

الموت أصبح مجرد خبر ... والحياه ابتلاء يستحق التعزيه

....................................

كلامي اللي فوق ده اللي يقراه يلتمس فيه مبالغه

لكنه حقيقي بقي واقع بس عشان مفرود علي مساحه كبيره مش حاسينه قوي

احنا فعلا بقينا في زمن ربنا العالم بيه

كل شيء الدنيا اتخلقت عليه اتغير والطبيعه البشريه اتحولت بدرجة كبيره

ماعدش حب ولا فرحه ولا حتي حزن ولا ضمير

ماعدش حد بيحب حد بصدق زي زمان او زي الحب اللي بنسمع عنه

بزمتكم حد بيحب حد دلوقتي وحاسس انه مكتفي بالحب ده

كلنا لينا ناس في حياتنا بنحبهم بس لسه برضه حاسين باحتياج لاحساس الحب

عمرك فرحة فرحه كبيره قوي وماحسيتش فيها بقلق وخوف

او شفت حد فرحان ليك من قلبه بجد

بقينا لما نحزن بيبقي مجرد مظاهر بس وبالكتير ساعات وبنبدأ ننسي بسرعه حزننا ده

ماعدش فيه ضمير في أي حته وكلنا بندور علي واسطه عشان نخلص مصالحنا

وبنخلص مصالح الناس اللي لينا مصلحه عندهم وبس

هوه ايه اللي جري

ياتري ابليس هوه اللي حقق النجاح المبهر ده

ولا احنا اللي قدمناله عقولنا علي طبق من دهب

_________________
B-y->>>~~TAMER 2~~ ليه بقينا كده ادخل وشوف هل كل ده صح Ax