اشهر كلمه بنسمعها من البشريه اللى قاعد معاك فى البيت

+
----
-

للأســف الشديــد كلنا بنسمع الكلامـ دا والناس اللى بتسمعنا الكلام دا تحس انهمـ متفقين علينا وهوا كلام واحد وبيتقااال
وللامانــــــــه الموضوع منقول بس مش كله يعنى انا زودت شويه حركات من عندى

* جتها نيله الى عايزه خلف تيجى تتفرج

* متحطش الموبيل جنبك و انت نايم هيجبلكـ تخلف عقلى (اكتر من كدا فين بسسس)

*ذاكر ياموكوس مش فالح غير فى الهيافه والكلام الفاضى

* متتأخرش وهات عيش وانت جاى

* هو ده اللي انت فالح فيه طول اليل والنهار قاعد علي الزفت الكمبيوتر بتاعكـ لحد مهيجلكـ تخلف عقلي منه

* كل يوم هات هات لما ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة
هتهات ايه بس يا حج انتا اى كلام بتقوله وخلاص

* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج)

*أوعا حد يضحك عليك ويقولك جرب السيجارة دي.
حاضر(وهو اصلا بيشرب)

*ابقى ورينى مين حينفعك فى الاخر من شوية الصيع الى انت مشيلى وراهم .(انتوا عارفين اللى فيها بقى يا رجاله)

* قوم اقرا لكـ كلمتين ينفعوكـ

* وطي المدعوق ده شويه (المدعوق = الجهاز = الكمبيوتر)

* مش ملاحق علي التليفون ولا الموبيل عملي فيها عم المهم

*لا محدش سئل عليك النهارده ولا حد عبرك.

*لما ما ترضاش تاكل في البيت:طبعا مانت اتعودت علي اكل بره .
لا طبعا هو انا اقدر اكل من حد غير امى حبيبتى ويبوس ايدها بقى(وهو من جوة بيقول بيبقى احلى يوم فى عمرى لما بخرج اكل برة دة اكل دة)

*ياريتك تحفظ دروسك زى مانت حافظ الاغانى.

* لو شفت خناقه ما لكش دعوة بيها .
حاضر (وهو كل يوم طالع متشلفط من خناقة ميعرفش حد فيها اصلا منظرة فقط)

* احمد دا عيل بايظ وماتمشيش معاه تاني(احمد دا بنطى وكان بيعانى معايا جامد اوى بسبب الحوارات دى ..حبيب اخوكـ ياد يا احمد )

قومـ ياد الساعه بقت 12 .
ان شاء الله هقوم اهو(انا اصلا هنام 5 الفجر يعنى)

* انته مبتكلش جزر ليه .. اجيبلك برتقانه. طب كل سلطه .
حاضريا عم(باكل من هنا وبقولهم هروح المطبخ اجيب حاجة وارجع كل اللى كلته)

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .
لا يا ماما احنا منقدرش نعيش من غير
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منكـ حاجه .
لا طبعا(دة انتوا اصلا بتدفعولى تمن لبسى بالعافية يا عم الحج روووووووووح)

* المسلسل مش هينفعك ...قوم .

*ماتقعد يابنى تكمل أكلكـ , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا ) .

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على الاغانى .. وازاى بتذاكر و البتاع ده شغال جنبك .
ارحمونى ابوس ايدكم متطردونى احسن وريحوا بقى

* افرد ظهرك .
احم احم اقول ايه بس

* لم شراباتك.

* كنت فين لحد دلوقتى يا صايع.
كنت بشترى حاجة هكون فين يعنى
مـ تقولكنت بتشترى سجاير وخلاص

* انا مش عارف انته طالع لمين.
ليك يا عم الحج طبعا

* انا : ياماما بقه ايه ده ؟؟؟
ماما:مووو لمـا يــــــخدك .

* ادلعى ياهبة فى ايامك المهببة .
يا ستى روحى بقى

* ده منظر اودة بني آدم ، انت عايش فيها ازاي؟.
عايش بقى وخلاص

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* يأبنى المذاكره مابتخلصش .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم

طبعاً ما حضرتش ولا محاضرة ولا سكشن , وطول اليوم صايع بره البيت .
لا والله يا بابا حضرت كله(انا اصلا معرفش انا فى كلية ايه

* مالكش دعوة بالسياسة .. وماتمشيش في مظاهرات .و امشي جوا الحيط.

* احمد ربنا الاكل الى مش عجبك ده فى ناس مش لقينه .
يا ام الكلمة دى هيزلونا بقى

* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .
ال انا هخاف بقى يعنى بس انا ادامهم بعمل فيها المرعوب طبعا يعنى هحسسهم بنفسهم يعنى

* قومي سخني الأكل لأخوكي.
حاضر يا ماما(هعمله شاى مش مغلى ومفهوش تفل ولا سكر وهحط فيه منوم لمدة سنة اشرب بقى يا عم الاخ)

* ابوكم كان دايما بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟
وحش حرام عليكى يا ستى(ماشى يا ماما حلوة منك على قد سنك)

*ابقى قابلني بكرة تاخد بالجزمة وتاكل كل حاجة غصب عنكـ

*امشى جتكـ مشش فى ركبكـ

*ماما عاوز 10 جنيه
هتاخد ال 10 جنيه تروح بيها فين دلوقتى بلبس البيت دا .. اه رايح تشترى سجاير يا صايع

* اللى بياكل على ضرسه بينفع نفسه

*معتش وراناشغلانه الا القهاوى والصياعه طول الليل والنهار
(وكل اللى بيحصل انك بتطلع ساعه او اتنين بالكتير تشرب كوبايه الشاى عـ القهوه وتروح)

*يا بنى وانا فـ سنكـ كنت بذاكر عـ اللمبه الجاز وبطلع مـ الاواائل ( قتلتوووووووووونا بجد )

* يا بنى اقلب على اقرا ولا الرحمه اسمعلكـ كلمتين ينفعوك فـ اخرتكـ بدل القرف دا

*معتش تطلب منى فلوس لاااخر الشهر

* مذاكرة ايه دا اللى على السرير.

* يا ابني تعالي اقعد معانا ولا انت ماجر اوضه جوه البيت ......

* قبل الفجر: ارجع بات في المكان اللي انت جاي منه ( هييييييي كانت ايامـ )

* ابقي قبلني لو فلحت ...بس ديما مش بيقلوا نقبلهم فينّ!!! غربيه .

* والله لو منضفتيش الشقه ومسحتيها ما في نزول النهرده ..

* يا ابنى محدش بينفع حد

مشكور بجد ياميزووووو

العفو

» لو معاك جنيه هتعمل بيه ايه
» معنى كلمه احبك
» اشهر عبارات الكذب
» هل تريد ان تعرف معنى كلمه الدنيا ؟؟؟
» وضوع جميل عن المتحف المصرى اشهر متاحف الدنيا