بحلم بوطنى

موضوع: بحلم بوطنى الجمعة أبريل 29, 2011 7:53 pm

+
----
-

بحلم بايه وطن يكون فيه الحب اساس
بحلم بوطن مليان بالحب والخير عايش على حب الله
ويكون فيه شئ اسمه ضمير صاحى جو كل قلب عايش على أرضه
مفيش فى يوم تدبل فيه وردة ولا تنجرح فيها بسمة طفل صغير
بحلم بوطن يكون عايش فيه القلوب الطيبة من غير ما تنجرح ولا تتألم
يكون الحب أساسه والعطاء طريقه والوفاء والصدق قانونه
وطن ملوش مثيل جنه يعيش فيها قلب مليان خير
وطن يكون جزيرة جو بحر كبير فيها ميه وخضره وطير
جنة فيها حب الناس من غير حدود فيه كل واحد عايش بخوف الله
لا يجرح ولا يأذى انسان برئ ولا تلاقى ناس بتعذبك من غير حساب
ولا قلب يخدع ولا ينافق ولا يعيش بدموع الغير
وطن رسمه رسولنا الكريم بسنته ودستورنا فيه القرآن ويكون دا منهجا
وطن يكون زى نظرة طفل برئ وبسمته وصفاء عيونه حتى وقت دمعته
يكون فيه البشر بقلوب ملايكه رغم ان الملايكه فى السما لكن ساعات كتير بنحس
بقلوب بشر زى الملاكية فى حبهم وفى عطاء قلوبهم رغم الالم والدموع
حلم كبير نفسى أأقوله بس الحروف من جوايا تايهه يمكن الاقى وقت واجمعها
وساعتها هاجى تانى واكتب حلمى فى وطنى ايه
وطنى حلم قلبى جواه
وطنى حلم عايش جوايا لا فيه دموع ولا الحب فيه له نهاية
قلب برئ نابض بالحياه عايش بالحب والعطاء
طريق طويل ملوش نهاية وجنه فيه ملهاش مثيل
لقيت قلوب مليانه بالخير عايشه بتحمد ربها فى كل وقت وحين
غمضت عينى واتمنيت يارب يكون لى معاهم نصيب
اعيش زى قلوبهم المليانه بالخير وادعى ربى صبح وليل
وانسى اللى شفته وانسى الدموع وامحى من قلبى كل خوف
وبحب ربى ودعوت رسوله اعيش بقلبى اخضر جميل
قلب يحب بدون حساب وفى حب الله اعيش معاهم
دا وطنا دا وطن جميل ومفيش جواه كلمة مستحيل
وطنى دا حلم جميل ساعات بعيشه وانسى الحياه
وكتير بتمنى الاقى يوم طريقه واسعى وادعى ربى اشوفه
وطنى دا حلم ملوش نهايه ودا حلم صغير لقلب عايش متحير
بيدى الحب بس العمر قصير وياترى هيعيش الحلم
ولا دا يادوبك حلم صغير